ﻣﺎﮞ !
ﺩﻋﺎ ﮐﺮﻧﺎ
ﮐﮧ ﮐﺒﮭﯽ ﺗﯿﺮﺍ ﯾﮧ ﺑﯿﭩﺎ
ﺧﺎﮐﯽ ﻭﺭﺩﯼ ﭘﮩﻨﮯ
ﺳﯿﻨﮯ ﭘﮧ ﺗﻤﻐﮯ ﺳﺠﺎﺀﮮ
ﻣﺠﺎﮨﺪﻭﮞ ﮐﺎ ﺳﺎ ﻧﻮﺭ ﻟﯿﮯ
ﺗﯿﺮﮮ ﺳﺎﻣﻨﮯ ﻓﺨﺮ ﺳﮯ ﮐﮭﮍﺍ ﮨﻮ،
ﺍﻭﺭ ﻣﯿﺮﯼ ﻣﺎﮞ
ﻣﯿﺮﯼ ﻣﺎﮞ ﯾﮧ ﺳﻦ ﮐﺮ
ﮨﻨﺲ ﺩﯾﺎ ﮐﺮﺗﯽ ﺗﮭﯽ ـ ـ ـ
ﮐﺒﮭﯽ ﺟﻮ ﺗﻤﮩﯿﮟ ﻣﯿﺮﯼ ﻣﺎﮞ ﻣﻠﮯ ﺗﻮ ﺍْﺱ
ﺳﮯ ﮐﮩﻨﺎ
ﻭﮦ ﺍﺏ ﺑﮭﯽ ﮨﻨﺴﺘﯽ ﺭﮨﺎ ﮐﺮﮮ،
ﮐﮧ ﺷﮩﯿﺪﻭﮞ ﮐﯽ ﻣﺎﺋﯿﮟ
ﺭﻭﯾﺎ ﻧﮩﯿﮟ ﮐﺮﺗﯿﮟ۔ ۔ ۔ ۔
ﻣﯿﮟ ﺍﮐﺜﺮ ﻣﺎﮞ ﺳﮯ ﮐﮩﺘﺎ ﺗﮭﺎ
ﺍْﺱ ﺩﻥ ﮐﺎ ﺍﻧﺘﻈﺎﺭ ﮐﺮﻧﺎ،
ﺟﺐ ﺩﮬﺮﺗﯽ ﺗﯿﺮﮮ ﺑﯿﭩﮯ ﮐﻮ ﭘﮑﺎﺭﮮ ﮔﯽ،
ﺍﻭﺭ ﺍﻥ ﻋﻈﯿﻢ ﭘﺮﺑﺘﻮﮞ ﮐﮯ ﺩﺭﻣﯿﺎﻥ ﺑﮩﺘﮯ
ﺍْﺷﻮ ﮐﮯ ﺩﺭﯾﺎ ﮐﺎ ﻧﯿﻼ ﭘﺎﻧﯽ،
ﺍﻭﺭ ﺳﻮﺍﺕ ﮐﯽ ﮔﻠﯿﻮﮞ ﻣﯿﮟ ﺑﺎﺭﺵ ﮐﮯ
ﻗﻄﺮﻭﮞ ﮐﯽ ﻃﺮﺡ ﮔﺮﺗﯽ
ﺭﻭﺷﻨﯽ ﮐﯽ ﮐﺮﻧﯿﮟ ﭘﮑﺎﺭﯾﮟ ﮔﯽ۔ ۔ ۔
ﺍﻭﺭ ﭘﮭﺮ ﺍﺱ ﺩﻥ ﮐﮯ ﺑﻌﺪ،
ﻣﯿﺮﺍ ﺍﻧﺘﻈﺎﺭ ﻧﮧ ﮐﺮﻧﺎ،
ﮐﮧ ﺧﺎﮐﯽ ﻭﺭﺩﯼ ﻣﯿﮟ ﺟﺎﻧﮯ ﻭﺍﻟﮯ ﺍﮐﺜﺮ،
ﺳﺒﺰ ﮨﻼﻟﯽ ﻣﯿﮟ ﻟﻮﭦ ﮐﺮ ﺁﺗﮯ ﮨﯿﮟ۔ ۔ ۔
ﻣﮕﺮ ﻣﯿﺮﯼ ﻣﺎﮞ۔ ۔ ۔
ﺁﺝ ﺑﮭﯽ ﻣﯿﺮﺍ ﺍﻧﺘﻈﺎﺭ ﮐﺮﺗﯽ ﮨﮯ،
ﮔﮭﺮ ﮐﯽ ﭼﻮﮐﮭﭧ ﭘﮧ ﺑﯿﭩﮭﯽ ﻟﻤﺤﮯ ﮔﻨﺘﯽ
ﺭﮨﺘﯽ ﮨﮯ،
ﻣﯿﺮﮮ ﻟﯿﮯ ﮐﮭﺎﻧﺎ ﮈﮬﮏ ﺭﮐﮭﺘﯽ ﮨﮯ۔ ۔ ۔
ﮐﺒﮭﯽ ﺟﻮ ﺗﻤﮩﯿﮟ ﻣﯿﺮﯼ ﻣﺎﮞ ﻣﻠﮯ
ﺗﻮ ﺍْﺱ ﺳﮯ ﮐﮩﻨﺎ،
ﻭﮦ ﮔﮭﺮ ﮐﯽ ﭼﻮﮐﮭﭧ ﭘﮧ ﺑﯿﭩﮫ ﮐﺮ
ﻣﯿﺮﺍ ﺍﻧﺘﻈﺎﺭ ﻧﮧ ﮐﯿﺎ ﮐﺮﮮ۔ ۔ ۔ ۔
ﺧﺎﮐﯽ ﻭﺭﺩﯼ ﻣﯿﮟ ﺟﺎﻧﮯ ﻭﺍﻟﮯ
ﻟﻮﭦ ﮐﺮ ﮐﺐ ﺁﺗﮯ ﮨﯿﮟ؟
ﻣﯿﮟ ﺍﮐﺜﺮ ﻣﺎﮞ ﺳﮯ ﮐﮩﺘﺎ ﺗﮭﺎ
ﯾﺎﺩ ﺭﮐﮭﻨﺎ !
ﺍﺱ ﺩﮬﺮﺗﯽ ﮐﮯ ﺳﯿﻨﮯ ﭘﮧ
ﻣﯿﺮﯼ ﺑﮩﻨﻮﮞ ﮐﮯ ﺁﻧﺴﻮ ﮔﺮﮮ ﺗﮭﮯ،
ﻣﺠﮭﮯ ﻭﮦ ﺁﻧﺴﻮ ﺍﻧﮩﯿﮟ ﻟﻮﭨﺎﻧﮯ ﮬﯿﮟ۔ ۔ ۔
ﻣﯿﺮﮮ ﺳﺎﺗﮭﯿﻮﮞ ﮐﮯ ﺳﺮ ﮐﺎﭨﮯ ﮔﺌﮯ ﺗﮭﮯ
ﺍﻭﺭ ﺍﻥ ﮐﺎ ﻟﮩﻮ ﭘﺎﮎ ﻣﭩﯽ ﮐﻮ ﺳﺮﺥ ﮐﺮ ﮔﯿﺎ
ﺗﮭﺎ۔۔
ﻣﺠﮭﮯ ﻣﭩﯽ ﻣﯿﮟ ﻣﻠﻨﮯ ﻭﺍﻟﮯ
ﺍْﺱ ﻟﮩﻮ ﮐﺎ ﻗﺮﺽ ﺍﺗﺎﺭﻧﺎ ﮨﮯ۔ ۔ ۔
ﺍﻭﺭ ﻣﯿﺮﯼ ﻣﺎﮞ ﯾﮧ ﺳﻦ ﮐﺮ
ﻧﻢ ﺁﻧﮑﮭﻮﮞ ﺳﮯ
ﻣﺴﮑﺮﺍ ﺩﯾﺎ ﮐﺮﺗﯽ ﺗﮭﯽ۔ ۔ ۔
ﮐﺒﮭﯽ ﺟﻮ ﺗﻤﮩﯿﮟ ﻣﯿﺮﯼ ﻣﺎﮞ ﻣﻠﮯ
ﺗﻮ ﺍْﺱ ﺳﮯ ﮐﮩﻨﺎ
ﺍﺱ ﮐﮯ ﺑﯿﭩﮯ ﻧﮯ ﻟﮩﻮ ﮐﺎ ﻗﺮﺽ ﭼﮑﺎ ﺩﯾﺎ ﺗﮭﺎ
ﺍﻭﺭ
ﺩﮬﺮﺗﯽ ﮐﯽ ﺑﯿﭩﯿﻮﮞ ﮐﮯ ﺁﻧﺴﻮ ﭼﻦ ﻟﯿﮯ
ﺗﮭﮯ۔ ۔ ۔
ﻣﯿﮟ ﺍﮐﺜﺮ ﻣﺎﮞ ﺳﮯ ﮐﮩﺘﺎ ﺗﮭﺎ
ﻣﯿﺮﺍ ﻭﻋﺪﮦ ﻣﺖ ﺑﮭﻼﻧﺎ،
ﮐﮧ ﺟﻨﮓ ﮐﮯ ﺍﺱ ﻣﯿﺪﺍﻥ ﻣﯿﮟ
ﺍﻧﺴﺎﻧﯿﺖ ﮐﮯ ﺩﺷﻤﻦ ﺩﺭﻧﺪﻭﮞ ﮐﮯ ﻣﻘﺎﺑﻞ
ﯾﮧ ﺑﮩﺎﺩﺭ ﺑﯿﭩﺎ ﭘﯿﭩﮫ ﻧﮩﯿﮟ ﺩﮐﮭﺎﺋﮯ ﮔﺎ
ﺍﻭﺭ ﺳﺎﺭﯼ ﮔﻮﻟﯿﺎﮞ
ﺳﯿﻨﮯ ﭘﮧ ﮐﮭﺎﺋﮯ ﮔﺎ
ﺍﻭﺭ ﻣﯿﺮﯼ ﻣﺎﮞ
ﯾﮧ ﺳﻦ ﮐﺮ
ﺗﮍﭖ ﺟﺎﯾﺎ ﮐﺮﺗﯽ ﺗﮭﯽ
ﮐﺒﮭﯽ ﺟﻮ ﺗﻤﮩﯿﮟ ﻣﯿﺮﯼ ﻣﺎﮞ ﻣﻠﮯ
ﺗﻮ ﺍْﺱ ﺳﮯ ﮐﮩﻨﺎ،
ﺍﺱ ﮐﺎ ﺑﯿﭩﺎ ﺑﺰﺩﻝ ﻧﮩﯿﮟ ﺗﮭﺎ،
ﺍﺱ ﻧﮯ ﭘﯿﭩﮫ ﻧﮩﯿﮟ ﺩﮐﮭﺎﺋﯽ ﺗﮭﯽ،
ﺍﻭﺭ ﺳﺎﺭﯼ ﮔﻮﻟﯿﺎﮞ ﺳﯿﻨﮯ ﭘﮧ ﮐﮭﺎﺋﯿﮟ
ﺗﮭﯽ۔ ۔ ۔۔
ﻣﯿﮟ ﺍﮐﺜﺮ ﻣﺎﮞ ﺳﮯ ﮐﮩﺘﺎ ﺗﮭﺎ،
ﺗﻢ ﻓﻮﺟﯿﻮﮞ ﺳﮯ ﻣﺤﺒﺖ ﮐﯿﻮﮞ ﮐﺮﺗﯽ ﮨﻮ؟
ﮨﻢ ﻓﻮﺟﯿﻮﮞ ﺳﮯ ﻣﺤﺒﺖ ﻧﮧ ﮐﯿﺎ ﮐﺮﻭ، ﻣﺎﮞ!
ﮨﻤﺎﺭﮮ ﺟﻨﺎﺯﮮ ﮨﻤﯿﺸﮧ ﺟﻮﺍﻥ ﺍْﭨﮭﺘﮯ ﮨﯿﮟ۔ ۔ ۔
ﺍﻭﺭ ﻣﯿﺮﯼ ﻣﺎﮞـ ـ ـ
ﻣﯿﺮﯼ ﻣﺎﮞ ﯾﮧ ﺳﻦ ﮐﺮ
ﺭﻭ ﺩﯾﺎ ﮐﺮﺗﯽ ﺗﮭﯽ ـ ـ ـ
ﮐﺒﮭﯽ ﺟﻮ ﺗﻤﮩﯿﮟ ﻣﯿﺮﯼ ﻣﺎﮞ ﻣﻠﮯ
ﺗﻮ ﺍْﺱ ﺳﮯ ﮐﮩﻨﺎ،
ﻭﮦ ﻓﻮﺟﯿﻮﮞ ﺳﮯ ﻣﺤﺒﺖ ﻧﮧ ﮐﯿﺎ ﮐﺮﮮ۔ ۔ ۔
ﺍﻭﺭ
ﺩﺭﻭﺍﺯﮮ ﮐﯽ ﭼﻮﮐﮭﭧ ﭘﮧ ﺑﯿﭩﮫ ﮐﺮ
ﻣﯿﺮﺍ ﺍﻧﺘﻈﺎﺭ ﻧﮧ ﮐﯿﺎ ﮐﺮﮮ
ﺳﻨﻮ۔ !۔ ۔
ﺗﻢ ﻣﯿﺮﯼ ﻣﺎﮞ ﺳﮯ ﮐﮩﻨﺎ
ﻭﮦ ﺭﻭﯾﺎ ﻧﮧ ﮐﺮﮮ ۔ ۔ ۔
Posts
0 comments:
Post a Comment